三十會

中產復出投筆從戎
2011年7月1日 蘋果日報

香港有一群相當理性、從不輕言抗爭的中產，三十會的成員王兼揚是其中一人。 03年及 04年的 7.1、 05年 12月的反政改方案，他都有上街，但之後退下火線，退守在報章論壇版論政。但來到今天，眼見政府亂派錢、亂推替補機制、強推國民教育、懶理樓價狂升……王 兼揚深感再多的討論，也是對牛彈琴，唯今之計，只有「投筆從戎」，上街怒吼。 「以前我仲信理性分析會有作用，但去到呢一刻，我覺得經已唔係同政府 觀點與角度唔同嘅問題，而係去到一個正義與邪惡嘅交戰！」王兼揚說，這股怒氣，是一點一滴累積來的。大約在強拆天星、皇后開始，到去年初的反高鐵，他已覺 曾班子不聽民意，但那時候，他還是沒站出來，「好似高鐵，我覺得起亦無妨，但係你做乜唔聽專業人士意見，係要起喺西九？」

寫評論對牛彈琴感心灰

直至今年初，政府變本加厲，財政預算案無章法可言、替補機制反智，「我要求好低，我個女 3歲，我唔可以同佢解釋到，林局長（政制及內地事務局局長林瑞麟）嘅言論有乜邏輯可言」。洗腦式國民教育殺到埋身，「啲教材一面倒，點放心畀個女讀？」樓 價飆升，政府說起居屋要等七年，「畀 1,000個置安心單位出嚟，可以影響到個樓市咩？咪講笑啦，根本係 lip service（口惠而實不至）」。

三十會是個理性論政的組織，會長李律仁有擔任公職、成員莫宜端是政治助理，王兼揚自 03年以來，寫了過百篇評論文章，但至今只覺越寫越心灰意冷，因這政府越來越反智、蠻不講理，寫得再多，也只是對牛彈琴。今年 7.1，他決定要「投筆從戎」，走上行動抗爭之路，身邊許多朋友，都對政府相當不滿。

「我唔知佢哋會唔會上街，如果唔上街，我只會演繹成佢哋係完全死心。」但他深信，上街有用，「只要好多人一起去表達憤怒，個政府就算冇咗廉恥，但始終係會膽怯，唔敢再亂嚟」。