新工黨爭取年底出世

新工黨爭取年底出世
張超雄否認煲無米粥
【明報專訊】張超雄自去年10月退出公民黨後，一直盛傳佢拉攏李卓人、梁耀忠同何秀蘭等籌組新工黨，事隔半年，組黨之說仍然只聞樓梯響，不過張超雄早前同Emily講，新工黨並非「煲無米粥」，希望今年底成立。

聽聞已設60人籌委會

張超雄話最低工資立法後，令佢更覺得香港需要一個維護「打工仔」政黨，「我唔係想搵幾個有知名度人出，戙支旗就話組黨，而係希望有個有理念、有政綱政黨」。

Emily聽聞佢已經成立一個約60人籌備委員會，主要由工會同民間團體代表組成，但目前以個人身分加入先。職工盟秘書長李卓人話到明，加唔加盟新工黨仍要等8月諮詢職工盟各屬會意見，強調組黨後仍會兼顧職工盟，所以鍋粥煲唔煲得成，都係未知數。

勞工界元老﹕好睇唔好食

不過，有勞工界元老就認為成立工黨係「好睇唔好食」，因為即使龐大如工聯會有成35萬會員，暫時都難以將會員轉化為選票，而工運中知名度最高李卓人，過往選舉都要大打告急牌，足以說明工會票唔夠「實」。

佢分析，如果真係要搞工黨，最佳時機係今年區議會選舉前，頭炮係派李卓人去選區議員，贏後再選明年立法會「超級區議員」，咁樣，佢新界西鐵票就可以過畀張超雄，令工黨議席增加。反之，新工黨區議會選舉後成立，選舉策略上作用就唔大喇。