美孚抗議升級

美孚抗議升級
要見鄭家純
【明報專訊】美孚新居民反對興建屏風樓，緊抗爭行動將會升級，包括禮拜日會去新世界同系的周大福珠寶靜坐抗議。雖然新世界早前已經同事件劃清界線，話賣地之後，事件同佢無關，但居民咬住新世界唔放，已經去信新世界發展董事總經理鄭家純，要求直接對話。

跟進事件區議員王德全話，為確保鄭家純收到信，緊幾日，都會fax同郵寄去新世界，希望對方星期五前可以回覆，否則就會有進一步行動。

港島區方面，城規會禮拜五將會討論養和醫院第四期重建問題，對跑馬地居民影響好大，佢早前發起黃絲帶行動後，今日會去養和醫院門口踩場，舉行記者會抗議重建方案，有人更計劃禮拜五到城規會抗議，睇怕香港有關規劃事，隨時都會變成炸彈。