環保觸覺另類競步

環保觸覺另類競步 踩港鐵場
【明報專訊】「環保觸覺」近排同港鐵公司打仗，狙擊港鐵公司發水樓同物業管理問題，緊星期日港鐵搞競步賽，環保觸覺就諗住踩場，同日上晝搞個「踢走港鐵霸權競步行」，一於競步同港鐵比高下。

抗議霸權 建發水屏風樓

環保觸覺主席譚凱邦話，港鐵有120億巨額盈餘仍要加價，又將會招標天水圍輕鐵站上蓋項目、大圍站上蓋項目同日出康城建發水屏風樓，加上利用公契業權份數優勢日常管理賺取利益，體現港鐵霸權咁話。

佢會聯同多個政黨同埋團體搞另類競步活動，由中環立法會競步到特首辦，並會環保觸覺facebook群組上接受市民報名。