社會企業「鑽的」

梁智鴻坐輪椅搭鑽的
無障礙的士 全港5架

【明報專訊】本港人口漸趨老化，年老多病痛，唔少長者出入都要靠輪椅幫助，於是非法接載輪椅使用者客貨車應運而生。梁淑儀係記者出身，媽媽係輪椅使用者，佢因為睇唔過眼至親被當貨物咁運送，車上冇安全帶、乘客冇保險……於是用3年時間創辦「鑽的」，呢個係提供無障礙的士社會企業，目前已有5架投入服務。

「鑽的」噚日舉行揭幕禮，請身兼安老事務委員會主席行政會議成員梁智鴻示範坐輪椅搭「鑽的」。梁智鴻好識做，化身推銷員，一邊上車一邊讚好。其實，「鑽的」係由七人車改裝，連平日上唔到的士電動輪椅都可以容納，造價比普通的士貴大約一倍，所以收費都唔低，短程一般70元左右。不過，梁淑儀計過，話收費已比客貨車便宜。

「鑽的」供應商係日本豐田汽車，佢香港代理皇冠汽車有限公司助理總經理程展強話，隨人口老化，專為輪椅使用者設計私家車大有市場。另外，皇冠代理日本車豐田、凌志、大發，都因為日本地震而停產，但程展強話，剛剛有幾百架車運抵本港，所以香港訂單短期不受影響。