「好煙民大聯盟」

隔牆有耳：禁「打邊爐」建議純屬廢話
2010年09月10日

香港室內全面禁煙後，街頭「打邊爐」成為都市特色，即係一些煙民喺街上圍住垃圾桶煲煙。可能睇唔過眼呢種「打邊爐」情況，早前有官員稱考慮控煙新招，擬禁止喺建築物五米範圍內吸煙，煙民覺得咁做即係要趕絕佢哋吞雲吐霧空間，反應好大。

由女作家李默牽頭嘅「好煙民大聯盟」去信食物及衞生局，要求當局表態是否要趕盡殺絕煙民，日前獲官員回覆，大聯盟噚日引述覆信稱，食衞局現階段「並無進一步加強控煙措施的具體建議」，大聯盟指所謂建築物五米範圍內禁煙建議「純屬廢話」。

雖然獲當局澄清暫未有更多禁煙措施，不過大聯盟只是慘勝，因為官員始終唔肯同煙民直接對話，就禁煙措施諮詢煙民意見。