民間監察種票小組

民間監察組「人肉警告板」反種票
【明報專訊】仲有3日就係立會選舉，有市民自發組成「民間監察種票小組」，9月9日選舉當日義工會著住印有「賄選犯法 種票實瓜」字眼T恤，希望提醒選民唔好以身試法。發起人王啟超話，fb已有二三百人響應佢，但實際當日有幾多人出，仍要點算，而佢家已經網上接受大家訂購T恤。王啟超話，今屆立法會選舉，種票新聞幾乎日日都有，但政府只捉雞仔，放生老虎，香港人豈能再忍。

小組今日會先去選舉事務處遞信，之後街頭派單張，提醒大家廉潔選舉。至於立選當日，佢最少會中西區、馬鞍山一帶票站安排義工做「人肉警告板」。