慈善機構Charitable Choice

籌款新猷送卡兼行善
【明報專訊】大家日後會有多一個渠道做善事喇，Emily知道，最近成立慈善機構Charitable Choice，就設立慈善禮物卡服務網上平台。究竟點運作呢？假設Emily想幫朋友捐款行善，就可以先呢個平台購買指定金額慈善禮物卡（可選電子賀卡或郵遞再造紙賀卡）；收禮人收到卡後，更可以平台上揀選有簽約受惠機構，將錢捐出去。既送禮又行善，一舉兩得。

不過大家留意，平台扣除5%行政費同信用卡處理費用後，餘下善款才捐贈至慈善機構。目前為止已有20多家機構參與計劃，如保良局、長春社、社協、長者安居協會等。

Emily問過社協社區組織幹事施麗珊，佢話社協都係參與合作慈善機構之一，係由信和太子女黃敏華介紹而接觸到呢個機構有心人，因此決定簽約。

Emily認為，公司之間年年送禮物籃，日後可以考慮送慈善禮物卡，表達心意之餘又可做善事呢。