滙豐銀行慈善基金

搞慈善滙豐開水喉
2011年06月30日

與香港人愛恨交纏嘅滙豐銀行， 81年成立慈善基金，今年踏入 30年，獅子銀行噚日舉行慶祝會，邀請 50個本地 NGO參加，仲宣佈額外泵水 3,000萬元入基金，在場 NGO代表個個聽到都拍手掌歡迎。

不過，要銀行放水唔係話有就有，滙豐亞太區企業可持續發展總監區佩兒話， NGO申請呢筆基金，首要條件係提出嘅項目要創新，兼且可持續發展。何謂可持續發展？佢舉個例子，滙豐早前與社聯搞咗個社企商務中心，滙豐與律師兼設計師等一班專業顧問團隊，協助社企籌劃經營，等社企可以自力更生，而唔使長期依賴基金撥款，咪就係 good囉。各位 NGO頭頭，收到未？