公益金「中銀香港暖心愛港」計劃

中銀獲公益金「同善同心獎」
【明報專訊】公益金前日舉行周年頒獎典禮，表揚一眾過去財政年度出錢出力善長仁翁，其實大家出錢就應該表揚，唔應該用排名判斷；Emily噚日睇真，中銀雖然唔十大最高捐款者之列，但中銀捐錢完全無放軟手腳，事實係特別撥出9000萬元成立「中銀香港暖心愛港計劃」，交畀公益金直接管，仲已經用大約一半。正因為咁，公益金今年首設「同善同心大獎」畀中銀。

中銀發言人同Emily講，呢個計劃有別於以往直接向公益金捐款，而係將08年賣奧運鈔票淨收益，當中9000萬委託公益金做行政管理，開放畀社會服務聯會屬下超過300個社福機構，按項目申請資助。

去到舊年12月，計劃已經撥出4500萬畀41個大型項目。發言人話，雖然中銀今年捐畀公益金常規捐款睇少，唔到最高籌款獎，但強調做善事唔係要人讚，最緊要幫到人。