前線醫生聯盟

「人身攻擊」海報
醫管局一度禁貼

【明報專訊】公立醫院前線醫生正同醫管局爭取改善待遇、爭取標準工時，仲未挽留醫生方案有共識，食衛局長周一嶽話「做醫生毋須斤斤計較」，令前線醫生好嬲，佢計劃公立醫院張貼海報表達不滿，噚日下晝，Emily收到風講醫管局話有海報含「人身攻擊」成分，唔准貼喎！

Emily問爭取合理工時行動組召集人袁孟豪，佢話透過前線醫生聯盟向醫管局申請貼海報，最初醫管局答應，後來就話有兩張海報帶有人身攻擊成分，不准張貼。

Emily追問佢，周一嶽已經為「斤斤計較」言論道歉，點解仲要貼海報？袁醫生話，其實貼海報目的係想爭標準工時，所以要按計劃張貼喎。

何俊仁應承出手 醫局亮綠燈

佢又話同民主黨傾過呢件事，對方話支持工會爭取標準工時，主席何俊仁仲拍心口應承打電話畀醫管局行政總裁梁賢傾。唔知係唔係仁哥出手，袁醫生話噚日稍後時間，醫管局通知佢，所有海報都可以貼，一場風波暫時結束。