香港環保廢料再造業總會

廢紙商會「狼來了」

【明報專訊】廢紙回收商原本噚日起罷收廢紙，結果搞唔成，Emily記得，今次已經唔係第一次叫停行動，最慘就係，有執廢紙公公婆婆，之前以為真係唔收廢紙，搞到擔心一排。關心長者團體就話，大家唔好再搵長者做籌碼，鬥氣還鬥氣，唔好搞老人家。

香港環保廢料再造業總會原本停收廢紙，想抗議政府年中關閉觀塘公眾貨物裝卸區，但又未好好安排佢要搬12間廢紙回收商，於是唔滿意政府泊位競投方法。佢唔收廢紙，必定影響執紙皮維生公公婆婆，所以之前報紙賣廣告，話要同長者「道歉」咁話。

「罷收」行動唔收又收

總會副會長劉耀成話，佢都係被迫咁做，佢話政府之後拋個方案，又唔同佢溝通，態度又差，所以想引起社會注意，到時議員先至會議會質詢政府。

劉耀成話，早幾日海事處問佢可唔可以傾傾，海事處初步肯畀若干醉酒灣泊位同埋柴灣泊位佢。劉耀成見對方有誠意，件事又有好發展，所以佢前日決定，唔使用咁激行為對抗。於是咁樣就上演「狼來了」，不過，下次仲有無人信佢呢？