同志遊行缺經費拋錨

同志遊行缺經費拋錨

【明報專訊】每年一班同志團體都會舉辦「香港同志遊行」，唔同性向、喜好各路人馬，都會盛裝到場狂歡一番，好似嘉年華咁熱鬧。不過今年同志遊行就因為唔夠經費，「拋錨」收場。

籌款欠理想 表演料需十幾萬

搞手之一女同學社發言人曹文傑同Emily解釋，「香港同志遊行」由2008年第一屆開始，愈來愈受歡迎，今年可能有成二三千人參加，所以佢估計租音響、搭舞台支出，隨時要十幾萬。不過，今年各團體籌款情唔係咁理想，商業機構又嫌同志遊行太「政治化」，完全無pink dollar概念（中譯為粉紅金錢，意指同志們龐大購買力），人人退避三舍，結果今年同志團體乾晒塘，無錢搞遊行。

曹文傑都大嘆有可惜，有人仲同佢講已經諗好晒用乜打扮出場，可惜無得表演，唯有下年再努力，希望到時有心人可以科多水啦！