Thursday, September 02, 2010

「撐港台運動」

黃華麒反擊「撐港台運動」
【明報專訊】「撐港台運動」前日就《頭條新聞》更換主持傳聞,去港台要求同廣播處長黃華麒會面,不過處長當日告假冇返工,結果畀「運動」成員揶揄處長「唔係詐病就係告假」,擺明逃避民意,仲幫佢改個花名叫「小麒子」。

指早已告假 非避「運動」

畀人踩到上心口,本來一派謙謙君子黃華麒,噚日深夜發份長聲明大反擊。處長話佢早8月25日就告假,而「運動」26日先發新聞稿話會搞活動,佢即時知會對方自己唔得閒,但「運動」都按原定計劃去港台抗議,所以今次見唔到面,唔係佢責任喎!

不過,黃華麒聲明中,始終冇正面回應《頭條新聞》係咪換主持,只係話管理層定期檢討節目係正常做法,「我可以向公眾保證,會上討論都是以精益求精為唯一目標,矢志如一,對《頭條新聞》亦然」。講到咁玄,Emily都睇唔透,不過《頭條》兩個主持吳志森同曾志豪好快會知係咪有得續約,一於放長雙眼睇啦!

No comments: