爽人物：
80後青年全職行善
無錢買樓但無懼
黃子萌放棄收入穩定的政府工，成立顧問公司協助企業實踐社會責任，把行善變成事業。程志遠攝
賣旗、捐款、組團到沙灘執膠粒、發起「平等分享行動」……香港人善心冠全球，每次活動也是愛心彰顯；然而繁榮背後處處是極需幫助的弱勢社群，如何能讓有限資源幫助最多人？從小參與義工服務的80後青年黃子萌，每天也在思考以上問題，兩年前毅然辭去收入穩定的政府工，成立「善．幫．愛聯盟」顧問公司，期望把行善變成事業，且聽他有何妙計。
「我叫黃子萌，今年25歲，多謝家人喺我八歲時幫我改咗英文名叫Healthy，好能夠代表我個人嘅性格。
爸爸媽媽原本做家族生意，家境算係富足，九歲送咗我去英國讀書，但97年經歷金融風暴後出現經濟問題，後來仲破產。父母𠵱家都要幫人打工，而我就要返嚟香港，之後喺IVE讀咗運動管理學位。
家道中落感激獲幫助
家境轉差，但冇諗過係由天堂跌落地獄，反而覺得好多人幫咗我哋，好感激。我自細都做好多義工服務，但有時探訪活動或者賣旗之後會諗，嗰一刻可能幫到人，之後係咪真係有效呢？有乜嘢方法可以keep住去幫人呢？讀書時我考咗好多體育教練資格，例如游水、曲棍球等等，學位畢業後就去體育總會做板球推廣，接觸到好多少數族裔人士，睇到佢哋係社會上受忽視嘅一群，令我想幫人嘅慾望更大。後來遇到一位南亞裔嘅板球教練，原本係港鐵高層職員，佢有四、五個小朋友，話因為小朋友太掛住佢，決定辭咗份時間顛倒嘅優差，可以多啲時間陪仔女，令我覺得我都要做返啲嘢。
助企業實踐社會責任
我喺兩年後辭工，成立咗『善．幫．愛聯盟』顧問公司，為企業提供意見，教佢哋點樣實踐社會責任，計劃牽動到好多公司同非牟利團體一齊做，可以幫到更多人。好多公司都會用資源去推廣形象，但靠賣廣告效果唔大，所以我哋想企業將賣廣告嘅錢用嚟做善事，從中達到宣傳效果。
以前份工月入過萬，算係政府工，𠵱家靠做教練維持日常使費，家人同女朋友都畀緊壓力，但我做緊嘅事可以話冇人做過，機會好大，風險都大。我唔知可唔可以買樓，唔知幾時結婚，但呢兩年我睇錢唔係咁重要，係因為如果我哋機構真係幫到人，自然會有錢。我嘅夢想係全世界都有『善．幫．愛聯盟』，政府做唔到嘅，企業、唔同團體到每個人更加要做多啲，咁先係真正幫到人。」
記者：吳淑義
80後青年全職行善
無錢買樓但無懼
黃子萌放棄收入穩定的政府工，成立顧問公司協助企業實踐社會責任，把行善變成事業。程志遠攝
賣旗、捐款、組團到沙灘執膠粒、發起「平等分享行動」……香港人善心冠全球，每次活動也是愛心彰顯；然而繁榮背後處處是極需幫助的弱勢社群，如何能讓有限資源幫助最多人？從小參與義工服務的80後青年黃子萌，每天也在思考以上問題，兩年前毅然辭去收入穩定的政府工，成立「善．幫．愛聯盟」顧問公司，期望把行善變成事業，且聽他有何妙計。
「我叫黃子萌，今年25歲，多謝家人喺我八歲時幫我改咗英文名叫Healthy，好能夠代表我個人嘅性格。
爸爸媽媽原本做家族生意，家境算係富足，九歲送咗我去英國讀書，但97年經歷金融風暴後出現經濟問題，後來仲破產。父母𠵱家都要幫人打工，而我就要返嚟香港，之後喺IVE讀咗運動管理學位。
家道中落感激獲幫助
家境轉差，但冇諗過係由天堂跌落地獄，反而覺得好多人幫咗我哋，好感激。我自細都做好多義工服務，但有時探訪活動或者賣旗之後會諗，嗰一刻可能幫到人，之後係咪真係有效呢？有乜嘢方法可以keep住去幫人呢？讀書時我考咗好多體育教練資格，例如游水、曲棍球等等，學位畢業後就去體育總會做板球推廣，接觸到好多少數族裔人士，睇到佢哋係社會上受忽視嘅一群，令我想幫人嘅慾望更大。後來遇到一位南亞裔嘅板球教練，原本係港鐵高層職員，佢有四、五個小朋友，話因為小朋友太掛住佢，決定辭咗份時間顛倒嘅優差，可以多啲時間陪仔女，令我覺得我都要做返啲嘢。
助企業實踐社會責任
我喺兩年後辭工，成立咗『善．幫．愛聯盟』顧問公司，為企業提供意見，教佢哋點樣實踐社會責任，計劃牽動到好多公司同非牟利團體一齊做，可以幫到更多人。好多公司都會用資源去推廣形象，但靠賣廣告效果唔大，所以我哋想企業將賣廣告嘅錢用嚟做善事，從中達到宣傳效果。
以前份工月入過萬，算係政府工，𠵱家靠做教練維持日常使費，家人同女朋友都畀緊壓力，但我做緊嘅事可以話冇人做過，機會好大，風險都大。我唔知可唔可以買樓，唔知幾時結婚，但呢兩年我睇錢唔係咁重要，係因為如果我哋機構真係幫到人，自然會有錢。我嘅夢想係全世界都有『善．幫．愛聯盟』，政府做唔到嘅，企業、唔同團體到每個人更加要做多啲，咁先係真正幫到人。」
記者：吳淑義
No comments:
Post a Comment