教協6000呎會所

教協殺入將軍澳
租荒廢幼園 變身6000呎會所
【明報專訊】靠賣「餅卡」起家教協，會員超過9萬，每年生意額突破3億。唔單止生意愈做愈大，教協未來仲會衝出旺角同銅鑼灣兩個會所，落戶將軍澳。教協前會長張文光透露，教協以幾萬元一個月租金，租領匯旗下將軍澳欣明苑一個舖位。呢個位置，前身係一間荒廢幼稚園，6000幾呎，緊就會用作教協會所，希望舉辦興趣班畀會員參加。舊旺角教協會址亦將會裝修，希望全面年輕化，告別「老餅」style喎。

教協李耀基落戶九西 出戰立會

除幫教協，張文仍然心繫民主黨，佢同Emily講，佢最近已開始向一班發達舊同學「心口」，籌一筆錢，一方面資助一班區議會選舉落敗後生仔，等佢能夠繼續維持地區服務，4年後再捲土重來；另一方面亦計劃籌辦「政治人才培訓中心」，培訓政治新血，希望民主黨2020年立法會選舉能夠全面完成接班。

另外，教協打工民主黨李耀基將出戰立會選舉，排民主黨黃碧雲同張文光名單後，以年輕形象，希望盡吸師奶票。Emily聽聞李耀基今次將正式落戶九西區，未來4年會落力做地區工作，同黨內兄弟合力打番江山返。