田生唔請社工改捐錢

因應團體關注 田生唔請社工改捐錢
【明報專訊】早前田生地產登報請社工，引起社福界強烈反對，話擔心社工會淪為「收樓工具」，點知過10日，田生就突然轉，決定擱置聘請社工計劃，仲話選擇優化方案，改為捐款畀慈善團體協助重建區有需要住戶。田生解釋，今次擱置係因為見到「部分團體關注」咁話。

張國柱：希望機構明白社工職能

早前去田生抗議香港社會工作者總工會，會長兼社福界立法會議員張國柱就同Emily講，未聽到田生有關消息，對佢講亦唔算係好消息，因為田生擱置招聘，唔代表永遠唔請社工，而田生將來會唔會捐錢都無人知。佢仲話經過今次事件，最希望商業機構明白社工專業職能，而社工自己亦都緊守專業操守。