正生堅持搬入梅窩

正生堅持搬入梅窩

【明報專訊】戒毒學校正生書院去年申請搬入梅窩南約區中學空置校舍，畀大批居民反對。最近一班梅窩居民去立法會申訴，大呻學童每日承受跨區返學之苦，要求重開學校。一班議員班家長打動下軟化立場，改為支持重開學校，坊間就傳出正生要另覓地方落戶。正生會行政總裁林希聖就同Emily澄清，話佢一路都堅持要搬去南約區中學，不過最終命運都要等政府拍板。

小島青洲欠基建

至於有傳聞話，正生可能搬去香港島西北面小島青洲，林希聖就承認早兩個月前曾經視察過青洲，不過因為水電供應、消防設施、公共衛生等問題都未解決，所以佢先堅持留南約區，唔諗青洲。